അഞ്ചാമത് കെ സി സി ഓ ഓഷ്യാന ക്നാനായ കൺവെൻഷൻ "പൈതൃകം 2020" സൗത്ത് ഓസ്‌ട്രേലിയയിലെ ലോക പ്രശസ്തമായ ബറോസ്സ വാലി കൺവെൻഷൻ സെന്ററിൽ :- ഓഷ്യാന ക്നാനായ സമൂഹത്തിന്റെ മറ്റൊരു സുവർണ മുഹൂർത്തത്തിനു സാക്ഷിയാകുവാൻ ലോക പ്രശസ്തമായ ബറോസ്സ വാലി ഒരുങ്ങുന്നു. 2020 സെപ്തംബര് മാസം 26, 27, 28, 29 തീയതികളിൽ ഓഷ്യാനയിലെ മുഴുവൻ ക്നാനായ യൂണിറ്റുകളിലെയും കുടുംബങ്ങൾ ഒത്തുചേരുന്ന അഞ്ചാമത്തെ ക്നാനായ കൺവെൻഷന് വേണ്ടിയുള്ള ഒരുക്കങ്ങൾ ദ്രുതഗതിയിൽ പുരോഗമിക്കുന്നു. രെജിസ്ട്രേഷൻ ആരംഭിച്ച് വെറും മുപ്പതു ദിവസങ്ങൾക്കുള്ളിൽ മുഴുവൻ സീറ്റുകളും ബുക്ക് ചെയ്യപ്പെട്ടു കഴിഞ്ഞു എന്നത് അവിശ്വസനീയമായ നേട്ടമാണ്. സമാനതകൾ ഇല്ലാത്ത സഹകരണം നൽകിയ ഓരോ അംഗ സംഘടനകൾക്കും KCCO നേതൃത്വം നന്ദി രേഖപ്പെടുത്തുന്നു.